Gambar. 01

I Gusti Agung Diah Adelianie - Sangkaning Asung Kertha Wara Nugraha Iðà Hyang Parama Kawi, Parikrama Bulan Bahasa Bali ring SMK Negeri 1 Gerokgak kalaksanayang ring rahina Wraspati Umanis Wuku Ugu, tanggal 24 Februari 2022. Parikrama puniki klaksanayang olih  SMKN 1 Gerokgak kasarengin olih para Bapak/Ibu Guru lan staff pegawai, para sisia pamilet wimbakara taler wenten saking Penyuluh Bahasa Bali Kecamatan Gerokgak.

Gambar. 02

Parikrama Bulan Bahasa Bali sane kaping IV puniki  maunteng  “ Danu Kerthi : Gitaning Toya Ening” sane mateges Bulan Bahasa Bali nyihnayang indik pamargi guna widya sane membah nenten surud – surud nyinahyang kedharman, kerta raharja, miwah kautaman jagat.

Parikrama Bulan Bahasa Bali puniki kamargiang nyabran warsa ring bulan Pebruari manut sekadi PERGUB Bali Nomor 80 Tahun 2018 indik Perlindungan miwah Penggunaan Basa Aksara Bali miwah Sastra Bali. Punika mawiwan ring rahinane mangkin klaksanayang Wimbakara Nyurat Aksara Bali miwah Lomba Karaoke Pop Bali sane kasarengin oleh sisia SMK Negeri 1 Gerokgak miwah taler klaksanayang Wimbakara Video Tiktok “Toyaening”.

Gambar. 03

Malarapan antuk kalaksanayang Parikrama Bulan Bahasa Bali puniki kaaptiang sumangdane, Kawentenan Basa, Aksara, miwah Sastra Baline prasida sayan  nglimbak tur ajeg  sakadi visi misi Pemerintah Provinsi Bali inggih punika Nangun Sat Kerthi Loka Bali.”